मेष-
मंगषीर की शुरुआत मा ही सूर्य धनुराशि मा ऐ जालु जै वजह सि मेष राशि वालों पर थोडा बहुत असर रालु आप जमीन से जुड्यां काम चालु केर सकदा लेकिन उधार बिल्कुल भी नि लेण। प्रेम का प्रसंग मा दुख हे सकदू परिवार कू साथ आपक जरूरी च। लक्ष्मी जी आप पर बहुत खुस राली।मन का भीतर क्वी बात रखण आप खुण निराशा दी सकदी।
वृष-
कार्तिक कू मैनु निकली जालू त अगला द्वी मैना मांगषीर ओर पूस आप खुण मालामाल कैन वाला छिन. ऑफिस वालों तिन नई जोब कू अच्छू अवसर च साक्षातकार मा हर जगह बात बणी जाली व्यवसाय मा लाभ ही लाभ होलु ओर आपकू स्वास्थ्य उत्तम रालु।
मिथुन-
साल का अन्तिम महिना आपका उथगा बढिया निछन जिथगा ओर राशी वालों का छिन सही समय पर सही कदम नि उठाईलो त बात बिगड सकदी।दोस्तों की मदद करण से आप तिन फायदा हे सकदू दोस्त आपकु भी साथ देलु पैंसा कम खर्च करीला त फायदा जादा होलु बच्चों कु स्वास्थ्य पर ध्यान दैण की आवस्यकता च। घूमण फिरणू से भी नुकसान हे सकदु।
कर्क-
आप बहुत मेहनती छिन लेकिन वै कु भी खयाल रखण जु आप दगड लम्बा समय से च आप नयु काम ओर करोबार शुरू कैर सकदा बस आप अपणू स्वार्थ कम कैर देला त आपकू लाभ दुगणा हे जालू वैवाहिक जीवन मा जरूर कुछ समस्या आली लेकिन आर्थिक व्यवस्था आपकी बहुत अच्छी राली ।
सिंह-
नवम्बर मध्य बिटिन आपकी भाग्य की चाल बदली जाली सूर्यदेव भगवान आपपर कृपा बरसोण वाला छिन आप खुण उचित रालु कि सूर्य भगवान की पुजा करण ओर सूर्यदेव की चाल पर भी नजर रखण पडिलि। सांलो बिटिन आपकी गोद भर जाली ओर अगर आपकु कोई पुराणु प्यार कू चक्कर च त वै मा भी नई पहल शुरू हे सकदी। खान पान कू ध्यान रखण पडलु।
कन्या-
चंचलता आप कू मन भटकै देंदी बुध आपक ये साल उत्तम रई बुध जख भी गैई आप खुण फल देंदू राई। आप खुणी कै पर भी जादा विश्वस नुकसान कर सकदु दुष्ट ओर आपकु बुरू चाहण वाला इन्सान से दूर राला त लक्ष्मी जी भी आप पर प्रसन्न राली प्रेम प्रसंग वाला अगर बात अगाडी बडै देला त सफलता मिल सकद कि ब्यो हे सकद ।
तुला-
साल कू अन्त बहुत आनन्दमय ठंग से जाण वालु च विदेश यात्रा कु योग खूब छिन साथ मा देश यात्रा भी कन पड सकद नई गाडी कु योग भी छिन आदालत कु काम से भी छुटकारू मिल सकदु कुल मिलैक आपकु यु साल कु आखरी मास बहुत ही खूब जाण वाल च। घर परिवार मा खुशी वालु माहोल रालू।
विश्चिक-
धन की चिन्ता साल भर रै और आप ये पूरा साल धन का पिछ्वडी भागदा रयां अब आप शान्ति रखण की कोशिश करला त धन की बराबर पूर्ति है जाली परिवार मा शुख रालु घर से बोण तक नजर रखण की आवश्यकता च मन मा कैका प्रति बहम रखण नुकसानदायक च।
धनु-
साल का अंत मा आपकी बडा लोंगो से अच्छी पहुंच राली बडा बडा उंची पहुंच का लोग आपकी बात सुणला अटक्यां काम पुरा हे जाला माता पिता सेवा करण से आपका पुराणा बुरा कर्म कटै जाला परिवार तिन समय दैण भी आपक अच्छू रालु। प्रेम प्रसंग वालु कू बात अगाडी बढी सकदी परपोजल भी आप खुण कन पडिलु।
मकर-
आपकु यात्रा कु योग बिल्कुल भी निछन आप नोकरी भी घर से नजदीक कर सकदा त आपक ठीक रालू जरूरत से जादा विश्वास कनु आपक नुकसान दायक च। यात्रा जादा नि कला तो सब ठीक रालू प्रेम संम्बध मजबूत होला।
साल कु अन्तिम समय आप खुण भी बहुत लाभप्रद रालु। नया दोस्त बणला नया नया काम काज का अवसर आला नयु प्रोजेक्ट फायदा वालु रालु धन अगर जालू त आणु भी रालू धर्म कर्म पर विश्वास आपतैं फायदामंद रालु ।
मीन-
साल का यि महिना आपका बहुत अच्छा होण वाला छिन आप खुद भी हैरान राला कि यु क्या होई।परिवर्तन आप खुण साफ साफ दिखैलु। नयु काम या कारोबार शुरू करण च त ये सै उत्तम समय कभी नि मल्यण्या नोकरी कु शुख महसूस होलु पैसा कम खर्च होलु सभी राशियों मा सबसे उत्तम भाग्यफल मीन राशि वालों क च यन बोला कि कु मिलेगी मीन राशि वालों आण वाला दिन आप लोंगोका छिन जी भरीक जीया ।
इस प्रकार से सभी राशियों कु साल कू आखिर अच्छू रालू
कुछ जगह परेशानी वाली बात होली जरूर पर हल भी जल्दी निकल जालू।
तो साल 2016 कु अंत भलो ही भलो च धन्यबाद
No comments:
Post a Comment